31-oktabr, shanba kuni AQShning Kolorado shtatidagi Kolorado-Springs shahrida avtomatik vintovkadan o‘q uzib, uch nafar o‘tkinchining umriga zomin bo‘lgan erkak politsiya tomonidan otib o‘ldirildi. Bu haqda CBS News xabar berdi, deya ma’lum qiladi “Korrespondent.net”.
Politsiya vakili leytenant Ketrin Baklining ta’kidlashicha, jinoyatni oldinroq qidiruvga berilgan shaxs sodir etgan. Halok bo‘lganlardan ikki nafari ayol bo‘lgan.
Hodisa joyiga politsiya yetib kelganida gumonlanuvchi ularga o‘t ochgan. Qurolni yerga qo‘yish haqidagi talabga bo‘ysunmagan erkak otishmada o‘ldirilgan. Guvohlarning aytishicha, jinoyatchiga kamida 20 marta o‘q uzilgan.
Hodisa tafsilotlari o‘rganilmoqda.
Izoh (0)