Xitoyda binoni rekonstruksiya qilish ishlari vaqtida 17 kishi halok bo‘ldi, 23 kishi jarohatlandi. Associated Press agentligi xabariga ko‘ra, hodisa 30-oktabr, juma kuni Xenan viloyatining Uyan uyezdida yuz bergan.
“Sinxua” agentligi xabariga ko‘ra, quruvchilar poydevorni qayta tiklash bo‘yicha ish olib borayotgan vaqtda bino qulagan. Shanba tongiga qadar vayronalar ostida 40 kishi olib chiqilgan, ularning 17 nafari halok bo‘lgan, qolganlar turli darajada tan jarohati olgan, to‘qqiz kishi og‘ir ahvolda kasalxonaga yotqizilgan.
Mahalliy ma’muriyat ma’lumotlariga ko‘ra, hodisaga aloqadorlikda gumon qilinib, bir necha kishi hibsga olingan. Vayronaga aylangan mazkur ikki qavatli bino 90-yillarda qurilgan edi. Hozirgi vaqtda hodisa sabablari o‘rganilmoqda.
Izoh (0)