Suriyada halok bo‘lgan rossiyalik askarning oilasi uning o‘z joniga qasd qilganiga ishonmaydi, deya xabar bermoqda “Exo Moskvi”.
Vadim Kostenkoning amakisi jiyanining tanasidagi jarohatlarni oshkor qildi. Marhum harbiy xizmatchining bosh suyagi yorilgan, bo‘yni va jag‘i singan bo‘lgan.
Kostenkoning oilasi “Onalar huquqi” jamg‘armasiga murojaat qildi. Shartnoma asosida xizmat qilgan askarning o‘limi holati bo‘yicha tekshiruvni Bosh harbiy prokuratura olib bormoqda.
Harbiy xizmatchining o‘limi yuzasidan tekshiruv ishlarini olib borayotgan Bosh harbiy prokuratura o‘z joniga suiqasd haqidagi versiya, xususan, sud-tibbiy ekspertizasi orqali tasdiqlanganini ma’lum qilmoqda. Rossiya Mudofaa vazirligi rasmiy vakili Igor Konashenkovning so‘zlariga ko‘ra, Kostenkoning o‘limi haqida suitsiddan boshqa barcha talqinlar bo‘htondir.
Eslatib o‘tamiz, rossiyalik askar 28-oktabr, chorshanba kuni o‘zi tug‘ilib-o‘sgan Krasnodar o‘lkasidagi Grechanaya Balka qishlog‘ida dafn etildi.
Izoh (0)