Rossiya prezidenti Vladimir Putin Minsk kelishuvlaridan voz kechmasligini ma’lum qildi va Ukraina prezidenti Pyotr Poroshenkoni qo‘llab-quvvatlashini aytdi. Bu haqda u yopiq “Valday” forumida aytib o‘tdi, deb yozadi “Korrespondent.net”.
“Biz Minsk kelishuvlarini eng so‘ngigacha, ya’ni ularning barchasi to‘liq bajarilmagunicha qo‘llab-quvvatlaymiz, Pyotr Poroshenkoga kelsak, men unga ko‘mak bergan birinchi kishi bo‘lgandim. Va men uni qo‘llab-quvvatlashda davom etaman”, — dedi Putin.
Bundan tashqari, Rossiya prezidenti forum mehmonlaridan birining “kabutarmisiz yoki qirg‘iymisiz?” degan savoliga javoban, uni temir qanotli kabutar deb atashlarini so‘radi.
Izoh (0)