Aer Lingus aviakompaniyasining Lissabondan Dublinga uchayotgan samolyoti bortida yo‘lovchilardan biri vafot etdi, deya xabar bermoqda The Irish Independent. Hodisa 18-oktabr, yakshanba kuni sodir bo‘ldi.
Ikki soatlik parvoz o‘rtasida 24 yoshli erkakni sarosima xuruji tutdi. U yonida o‘tirgan yo‘lovchiga tashlanib, uni tishlab oldi. Ekipaj a’zolari “to‘polonchi” yo‘lovchining qo‘l-oyoqlarini qayirib bog‘lab qo‘ydi, kema kapitani esa shoshilinch ravishda qo‘nish uchun ruxsat so‘radi. Biroz vaqt o‘tib, erkak o‘zini yomon his qila boshladi va hushidan ketdi.
Layner Irlandiyaning Kork aeroportiga favqulodda qo‘ndi, bu vaqtda yo‘lovchi allaqachon o‘lgan edi. Shifokorlar marhumning tishi tekkan yo‘lovchini ko‘rikdan o‘tkazdi va uni kasalxonaga yotqizdi.
Izoh (0)