Ikki nafar indoneziyalik talaba Sharqiy Yava provinsiyasida qidiruv-qutqaruv operatsiyalari metodikasini o‘rganish kurslaridan o‘tish chog‘ida halok bo‘ldi, deya xabar beradi “RIA Novosti”.
Politsiyachilar o‘lim holdan toyish va suvsizlanish natijasida ro‘y berganini taxmin qilmoqda. Talabalarning oilalari jasadlarni yorishga ruxsat bermayotgani uchun asosiy sababni aniqlab bo‘lmayapti.
“Sunan Ampel” Islom davlat universiteti tomonidan o‘zining ko‘ngilli qidiruv-qutqaruv jamoasi uchun tashkil qilingan to‘rt kunlik kurs qoyaga chiqish, g‘orlarni tekshirish kabi ko‘p kuch talab qiluvchi mashg‘ulotlarni o‘z ichiga olgan.
Ayni paytda o‘limning ehtimoliy jinoiy sabablari (masalan, beparvolik) tekshirilmoqda.
Izoh (0)