AQShda istiqomat uchun guvohnoma (“Grin kard”)ga ega bo‘lish bo‘yicha lotereyada 2015-yilda rekord miqdordagi — 265 086 nafar rossiyalik ishtirok etdi, deya xabar bermoqda Meduza. Rossiyaga jami to‘rt ming kishilik kvota ajratilgan.
AQSh davlat departamenti ma’lumotiga ko‘ra, 2014-yilda rossiyaliklarga AQShda ish yoki o‘qish uchun vaqtincha yashash huquqini beruvchi 245 638 ta viza taqdim etilgan. Yana 3622 nafar Rossiya fuqarosi oilaviy yoki boshqa sabablarga ko‘ra AQShda doimiy istiqomat uchun guvohnomaga ega bo‘lgan, jumladan 56 kishi vizalarni yarim million dollar va undan ko‘p hajmdagi investitsiyalar evaziga qo‘lga kiritgan.
Eslatib o‘tamiz, 3-oktabr kuni AQSh davlat departamenti “Grin kard” yoki “Turli millatga mansub immigrantlar vizasi” lotereyasiga onlayn rejimda ro‘yxatdan o‘tish boshlanganini e’lon qildi. 2015-yil 3-noyabrda ro‘yxatdan o‘tish muddati tugaydi.
Izoh (0)