Turkmaniston tashqi ishlar vazirligi Qozog‘iston prezidentining Turkmaniston chegaralarida yuz bergan hodisalar haqidagi bayonoti munosabati bilan norozilik bildirdi. Bu haqda vazirlik matbuot xizmati xabar bermoqda.
“Turkmaniston tomoni Qozog‘iston tomonining Turkmaniston davlat chegarasidagi vaziyat bo‘yicha haqiqatga zid bu kabi fikrlari yuzasidan favqulodda xavotir va tushunmovchilik bildiradi”, — deyiladi Turkmaniston TIV bayonotida.
Bayonotda qayd etilishicha, “Turkmaniston tomoni mazkur holat yuzasidan qat’iy norozilik bildiradi hamda ikki mamlakat o‘rtasidagi an’anaviy do‘stona munosabatlardan kelib chiqib, bundan buyon Qozog‘iston tomoni Turkmaniston atrofidagi vaziyatni baholashda nisbatan xolis axborotga asoslanishiga umid bildiradi”.
Qozog‘iston prezidenti Nursulton Nazarboyev 15-oktabr, payshanba kuni Rossiya prezidenti Vladimir Putin bilan birgalikdagi matbuot anjumanida, jumladan, shunday degandi: “Biz Turkmaniston chegarasida yuz bergan hodisalar haqida bilamiz va Tojikiston uchun qayg‘urmoqdamiz”.
Izoh (0)