Chechenistonda ehtimoliy terrorchilarning qarindoshlari ular haqida o‘zlari hukumatga ma’lumot bermoqda. Bu haqda, “RIA Novosti” xabariga ko‘ra, Ramzan Qodirov ma’lum qildi.
“Chechenistonda “Iblis davlati”ga qo‘shilishni istaganlarni izlab topish unchalik ham murakkab emas, chunki ularning qarindoshlari ham bu haqda bilib qolganlaridan so‘ng, bizga o‘z qarindoshlarining harakatlari haqida xabar bermoqda”, — dedi Ramzan Qodirov.
Checheniston rahbarining qayd etishicha, aholi yana urush domida qolmaslik uchun ehtimoliy terrorchilarga nisbatan shunday harakat qilmoqda. “Xalq o‘z yo‘lini belgilab olgan, unga uchinchi chechen urushi kerak emas. Bugun xalq, eng avvalo, tinch yashashdan manfaatdor”, — dedi Qodirov.
Izoh (0)