KXDR yetakchisi Kim Chen In singlisi Kim Yo Chjonni o‘zining shaxsiy xavfsizligi bilan bog‘liq masalalarni hal etishda qatnashishdan chetlashtirdi, deya xabar bermoqda “TASS” Janubiy Koreyaning “Choson ilbo” gazetasiga tayanib.
Uning yozishicha, Shimoliy Koreya rahnamosi ushbu qarorni qator hodisalardan so‘ng qabul qilgan.
Xususan, 2015-yil mayidagi yoshlar festivalida Kim Chen Inni olomon o‘rab olib, uning qo‘llaridan torta boshlagan, bu KXDR rahbari soqchilari uning o‘tib ketishi uchun yo‘l ochgunicha davom etgan. Bundan tashqari, Kim Chen Inning kollektiv xo‘jaliklardan biriga tashrifi chog‘ida mamlakat yetakchisini kutib olgan ansambl musiqachilaridan biri uning yuziga gitarasi bilan tushirishiga sal qolgan.
Eslatib o‘tamiz, 2015-yil martida Kim Chen In singlisining ismi KXDR matbuotida ilk bora e’tirof etilgan, bu “uning maqomi oshgani”dan darak berishi aytilgan edi. O‘shanda Kim Yo Chjon Koreya Mehnat partiyasi Markaziy qo‘mitasi bo‘limi boshlig‘i o‘rinbosari sifatida tilga olingandi.
Izoh (0)