Saudiya Arabistoni boshliq arab koalitsiyasi Yamanning Damar viloyatidagi to‘y marosimiga aviazarba berilgani haqidagi xabarlarni rad etmoqda. Bu haqda “RIA Novosti” xabar bermoqda.
“Biz Damarda operatsiya o‘tkazganimiz yo‘q. O‘z-o‘zidan, u yerga hech qanday aviazarba ham berilmagan”, — dedi koalitsiya vakili Ahmad al-Assiriy.
Koalitsiya vakili mazkur aviazarba haqidagi xabarlarni “soxta” deb atadi. “Bu isyonchilar tomonidan qo‘llanilayotgan yangi mediastrategiya”, — deya qo‘shimcha qildi u.
Avvalroq Yamanning Damar viloyatida isyonchi xusiylarning tarafdorlari tomonidan tashkil etilgan to‘y marosimiga aviazarba berilgani, oqibatda kamida 51 kishi halok bo‘lgani haqida xabar berilgan edi.
Izoh (0)