Rossiya prezidenti Vladimir Putin turkiyalik hamkasbi Toyyib Erdo‘g‘onning Turkiya Rossiya gazini sotib olishdan bosh tortishi ehtimoli haqida aytgan gaplaridan xabardor. Bu haqda Putinning matbuot kotibi Dmitriy Peskovga tayanib, “TASS” xabar berdi.
Kremldagilar ikki mamlakat o‘rtasidagi o‘zaro manfaatli hamkorlikni saqlab qolishga umid qilmoqda, Suriyadagi operatsiyani esa Turkiya bilan chegaralarda xavfsizlikni ta’minlashga ko‘mak deb baholashmoqda.
Kreml vakili, shuningdek, “Rossiya qurolli kuchlarining Suriya armiyasini qo‘llab-quvvatlash bo‘yicha operatsiyasi boshlangunicha, AQSh rahbarligidagi turli mamlakatlardan tashkil topgan koalitsiya bir yildan oshiqroq vaqt davomida IShID pozitsiyalari deb baholangan hududlarga zarbalar bergan”ini eslashni ham zarur deb hisoblaydi.
Eslatib o‘tamiz, Turkiya prezidenti Rajab Toyyib Erdo‘g‘on Turkiya Rossiya harbiy samolyotlari mamlakat havo chegaralarini buzganligi bilan bog‘liq mojarolar tufayli ushbu davlatdan gaz xarid qilishni to‘xtatishi mumkinligini bildirgan edi.
Izoh (0)