Dubayda kambag‘allikka qarshi kurashish fondi ish boshladi. Fond mablag‘i 1 milliard dirham (taxminan 272 million dollar)ni tashkil etadi. Bu haqda O‘zbekiston musulmonlari idorasi matbuot xizmati xabar bermoqda.
Tashkilotning asosiy maqsadi— ishsizlikka qarshi kurashish va mintaqalarda ta’lim darajasini oshirish.
Dubay amiri Muhammad bin Rashid al-Maktum boshchiligidagi mazkur fond 28 ta insonparvarlik tashkilotini birlashtirib, 1400 dasturni amalga oshirmoqchi.
Bu mablag‘lar dunyoning 116 ta mamlakatiga yo‘naltirilishi ko‘zda tutilgan.
Ma’lumotlarga ko‘ra, Fond 4 ta yo‘nalishni o‘z ichiga olgan: ta’limni ommalashtirish, kambag‘allikka qarshi kurashish, birlashmalarni qo‘llab-quvvatlash va innovatsiyalarni rivojlantirish.
Shuningdek, Fond homiyligida 20 million nafar bola savodxonligi uchun 10 million dona kitob chop etiladi.
Ta’lim sohasidagi loyihalar uchun 1,5 milliard dirham mablag‘ ajratilsa, mintaqalardagi suv resurslari qidiruviga 500 million yo‘naltiriladi.
“Bag‘rikenglik madaniyatini qo‘llab-quvvatlash” yo‘nalishiga esa Fond tomonidan 600 million dirhamdan ortiq mablag‘ ajratilishi ko‘zda tutilgan.
Izoh (0)