Moldova poytaxti Kishinyovda 3-oktabr, shanbaga o‘tar kechasi Sotsialistlar partiyasi va “Bizning partiya” a’zolari hamda tarafdorlari parlament oldidagi xiyobon yaqinida joylashgan Shtefan chel Mare shoh ko‘chasida o‘nlab chodirlar o‘rnatdi. Namoyishchilar shunday yo‘l bilan mamlakat prezidenti Nikolay Timoftining iste’fo berishni rad etayotganiga noroziliklarini bildirgan. Bu haqda “RBK” xabar bermoqda.
2-oktabr, juma kuni ikki partiya vakillari Nikolay Timofti oldiga qo‘ygan ultimatum muddati tugadi. U iste’fo berishdan bosh tortganligi sababli namoyishchilar norozilik harakatlarining keyingi bosqichiga o‘tishga qaror qilgan.
Eslatib o‘tamiz, Moldovadagi norozilik namoyishlari ishtirokchilari prezident va hukumat iste’foga chiqishi, muddatidan oldin parlament saylovlari o‘tkazilishi, shuningdek, mamlakat banklaridan 1 milliard dollar yo‘qolishiga aloqador bo‘lganlar jazolanishini talab etmoqda.
Izoh (0)