Молдова пойтахти Кишинёвда 3 октябрь, шанбага ўтар кечаси Социалистлар партияси ва «Бизнинг партия» аъзолари ҳамда тарафдорлари парламент олдидаги хиёбон яқинида жойлашган Штефан чел Маре шоҳ кўчасида ўнлаб чодирлар ўрнатди. Намойишчилар шундай йўл билан мамлакат президенти Николай Тимофтининг истеъфо беришни рад этаётганига норозиликларини билдирган. Бу ҳақда «РБК» хабар бермоқда.
2 октябрь, жума куни икки партия вакиллари Николай Тимофти олдига қўйган ултиматум муддати тугади. У истеъфо беришдан бош тортганлиги сабабли намойишчилар норозилик ҳаракатларининг кейинги босқичига ўтишга қарор қилган.
Эслатиб ўтамиз, Молдовадаги норозилик намойишлари иштирокчилари президент ва ҳукумат истеъфога чиқиши, муддатидан олдин парламент сайловлари ўтказилиши, шунингдек, мамлакат банкларидан 1 миллиард доллар йўқолишига алоқадор бўлганлар жазоланишини талаб этмоқда.
Изоҳ (0)