AQSh 2015-yilning 1-sentabr holatiga ko‘ra jami 762 ta qit’alararo ballistik raketa (QBR), suvosti kemalaridagi ballistik raketa (SKBR) va og‘ir bombardimonchi (OB)larga ega. Bu haqda “Liga.Novosti” xabar bermoqda.
AQSh Davlat departamentining strategik hujum qurollari soni to‘g‘risidagi Vashington va Moskva o‘rtasidagi o‘zaro ma’lumot almashinuvi natijalari bo‘yicha e’lon qilgan axborotiga ko‘ra, Rossiyada bunday qurol-aslahalar soni 526 tani tashkil etmoqda.
Aniqlik kiritishlaricha, AQShda QBR, SKBR va OBlarga o‘rnatilgan jami 1538 ta yadroviy kallak mavjud, Rossiya hisobida esa xuddi shunday tashuvchilarga o‘rnatilgan 1648 ta kallakka egalik qilmoqda.
Ma’lumot uchun, 2014-yil 1-sentabrida AQSh 794 ta QBR, SKBR va OBga o‘rnatilgan 1642 ta yadroviy kallakka, Rossiya esa 528 ta shunday tashuvchiga o‘rnatilgan 1643 ta yadrovyi kallakka ega edi.
Izoh (0)