Pul yuvishda gumon qilinib hibsga olingan Nigeriya neft sanoati vazirligi sobiq rahbari Dizani Alison-Madueke garov puli evaziga qo‘yib yuborildi. Bu haqda “RBK” xabar bermoqda.
Ayni vaqtda, Alison-Madueke 5-oktabr, dushanba kuni politsiyaga kelishi kerak, chunki uning pasporti musodara qilingan.
Sobiq vazirning hibsga olingani haqida 2-oktabr oqshomida Reuters xabar bergandi. London politsiyasining ma’lum qilishicha, Alison-Maduekening hibsga olinishi haqidagi hisobotga ega emas. Buyuk Britaniya milliy kriminal agentligi esa Reuters’ning so‘roviga javob bermadi.
Nigeriyaning Premium Times gazetasi xabariga ko‘ra, sobiq vazir bilan birga yana to‘rt kishi hibsga olingan bo‘lib, ular poraxo‘rlik va pul yuvishda gumon qilinmoqda.
Alison-Madueke 2014-yil 27-noyabrida OPЕK — Neft eksport qiluvchi mamlakatlar tashkiloti prezident etib saylangan edi, u bu o‘rinni egallagan ilk ayol bo‘lgandi. Biroq 2015-yil may oyida u Nigeriyadagi vazirlik lavozimidan chetlatilganidan so‘ng, OPЕK rahbari vakolatini ham amalda yo‘qotgandi.
Izoh (0)