Olimlar Rossiyaning Xanti-Mansi muxtor okrugi — Yugrada ilk bor mamont suyaklarining ommaviy to‘plamini topdi. Bu haqda “TASS” xabar bermoqda.
“Yugrada ilk bor pleystotsen davriga oid jonivorlar qoldiqlarining ommaviy to‘plami topildi, ularni tabiiy sharoitda o‘rganish mumkin. Jami 11 dona paxmoq mamont suyaklari topildi. Ekspeditsiya yakunlariga ko‘ra, Okrug tabiat va inson muzeyi kolleksiyasi 500 eksponatga boyidi”, — deydi muzey vakili.
Topilgan suyaklarning aksariyati mamontlarga tegishli, faqat ora-orada shimol bug‘usi va paxmoq karkidonga tegishli topilmalar chiqqan. “Topilmalarning yoshini aniqlash uchun bir qator tahlillarni o‘tkazish kerak. Keyingi tadqiqotlar 2016-yilda davom ettiriladi”, — deydi muzey xodimlari.
Izoh (0)