Олимлар Россиянинг Ханти-Манси мухтор округи — Юграда илк бор мамонт суякларининг оммавий тўпламини топди. Бу ҳақда «ТАСС» хабар бермоқда.
«Юграда илк бор плейстоцен даврига оид жониворлар қолдиқларининг оммавий тўплами топилди, уларни табиий шароитда ўрганиш мумкин. Жами 11 дона пахмоқ мамонт суяклари топилди. Экспедиция якунларига кўра, Округ табиат ва инсон музейи коллекцияси 500 экспонатга бойиди», — дейди музей вакили.
Топилган суякларнинг аксарияти мамонтларга тегишли, фақат ора-орада шимол буғуси ва пахмоқ каркидонга тегишли топилмалар чиққан. «Топилмаларнинг ёшини аниқлаш учун бир қатор таҳлилларни ўтказиш керак. Кейинги тадқиқотлар 2016 йилда давом эттирилади», — дейди музей ходимлари.
Изоҳ (0)