Tayvan harbiylari 26-sentabr, shanba kuni mamlakat harbiy-havo kuchlarining AT-3 o‘quv samolyoti qoldiqlarini topdi. Mazkur samolyot 22-sentabr, seshanba kuni sinov parvozini amalga oshirayotganda radarlardan g‘oyib bo‘lgandi, deya xabar beradi “TASS”.
Oldinroq Gaosyun shahridagi aviabazadan ko‘kka ko‘tarilganidan yarim soat o‘tib havo kemasi bilan aloqa uzilgani to‘g‘risida xabar berilgan edi. Bu paytda samolyot asosan tog‘li hududlardan iborat bo‘lgan Nantou uyezdi ustidan uchib o‘tayotgan bo‘lgan.
Qutqaruv amaliyotini bajarish uchun mazkur hududga harbiy vertolyot jo‘natilgan. Samolyotni boshqargan ikki uchuvchi ham halok bo‘lgani aytilmoqda.
Izoh (0)