AQSH sobiq davlat rahbari Barak Obama demokratlar tomonidan Rossiyaning 2016-yilgi Amerika saylovlariga aralashuvi haqidagi yolg‘on ma’lumotlarni tarqatish vaziyatida jinoyatga qo‘l urgan. Bu haqda Donald Tramp jurnalistlar bilan uchrashuvda maʼlum qildi.
“U jinoyat sodir etdi, bu borada hech qanday shubha yo‘q”, dedi Tramp Oq uyda jurnalistlar bilan o‘tkazilgan muloqotda.
Undan “2024-yilda AQSH Oliy sudi Trampda mavjudligini tasdiqlagan sobiq davlat rahbarlarining huquqiy ta’qibdan qisman himoyasi Obamaga yordam beradimi?”, deb so‘rashgan.
“Bu, ehtimol, unga katta yordam beradi, lekin uning atrofidagilarga foyda keltirmaydi. Uning daxlsizligi bor va bu, chamasi, ta’qiblardan qutulishiga ko‘maklashadi”, deya ta’kidladi AQSH rahbari.
Bundan avval Fox News telekanali xabar berganidek, AQSH Kongressi Vakillar palatasi razvedka bo‘yicha maxsus qo‘mitasining Milliy razvedka direktori Tulsi Gabbard tashabbusi bilan maxfiylikdan chiqarilgan 2020-yilgi hisobotiga ko‘ra, Obama maxsus xizmatlarga 2017-yilgi ma’ruzaga Rossiya 2016-yilgi prezidentlik saylovlarida Trampni qo‘llab-quvvatlagani haqidagi iddaolarni kiritishni buyurgan.
Telekanal ma’lumotlariga ko‘ra, hisobot mualliflarida Rossiyaning AQSHdagi saylov jarayoniga aralashganini tasdiqlovchi dalillar bo‘lmagan. Qonun chiqaruvchilar aniqlaganidek, Markaziy razvedka boshqarmasi (MRB) xodimlari o‘sha paytdagi maxsus xizmat direktori Jon Brennanga “ularda Putin Trampning g‘alaba qozonishini istagan”iga doir to‘g‘ridan to‘g‘ri ma’lumotlar yo‘qligi haqida xabar berishgan. Biroq hisobot “prezident topshirig‘i bilan” tayyorlangan bo‘lib, uni tayyorlash jarayoni Obama va uning yaqinlari tomonidan berilgan “g‘ayrioddiy ko‘rsatmalar” asosida olib borilgan.
Izoh (0)