Ukrainaning Donetsk viloyatida Malayziya “Boing”i qulagan joyda halokat qurbonlarining yangi jasadlari topildi, deya xabar bermoqda “Korrespondent.net” Niderlandiya xavfsizlik va adliya vazirligiga tayanib.
Shuningdek, shaxsiy buyumlar ham topilgan. Yaqin vaqt ichida ular dastlab Xarkovga, u yerdan Amsterdamga jo‘natiladi.
Nashr ta’kidlashicha, Niderlandiyada “Boing” halokati haqidagi ma’ruzani 13-oktabrda e’lon qilishmoqchi.
Eslatib o‘tamiz, Malaysia Airlines’ning Amsterdamdan Kuala-Lumpurga MH17 reysi bilan uchib ketayotgan Boeing 777 samolyoti 2014-yil 17-iyul kuni qulagan edi. Taxminlarga ko‘ra, layner Donbass hududidan urib tushirilgan. Samolyot bortida bo‘lgan 298 kishining barchasi halok bo‘lgan.
Izoh (0)