Украинанинг Донецк вилоятида Малайзия «Боинг»и қулаган жойда ҳалокат қурбонларининг янги жасадлари топилди, дея хабар бермоқда «Корреспондент.net» Нидерландия хавфсизлик ва адлия вазирлигига таяниб.
Шунингдек, шахсий буюмлар ҳам топилган. Яқин вақт ичида улар дастлаб Харьковга, у ердан Амстердамга жўнатилади.
Нашр таъкидлашича, Нидерландияда «Боинг» ҳалокати ҳақидаги маърузани 13 октябрда эълон қилишмоқчи.
Эслатиб ўтамиз, Malaysia Airlines’нинг Амстердамдан Куала-Лумпурга MH17 рейси билан учиб кетаётган Boeing 777 самолёти 2014 йил 17 июль куни қулаган эди. Тахминларга кўра, лайнер Донбасс ҳудудидан уриб туширилган. Самолёт бортида бўлган 298 кишининг барчаси ҳалок бўлган.
Изоҳ (0)