O‘zbekistonlik bokschi, WBA talqini bo‘yicha “muntazam” jahon chempioni Ruslan Chagayevning fikricha, rossiyalik bokschi Aleksandr Povetkin superog‘ir vazn toifasida uchta nufuzli yo‘nalish bo‘yicha jahon chempioni hisoblangan ukrainalik Vladimir Klichkoga qarshi jangdan so‘ng katta o‘sishga erishdi. Bu haqda “TASS” xabar bermoqda.
“Sasha — yaxshi bokschi. U aynan Vladimir Klichko bilan jangdan so‘ng katta o‘sishga erishdi. U revansh jangini o‘tkazishni xohlayotganini tushunish mumkin. Uning Uaylder bilan bo‘lajak jangi haqida to‘xtaladigan bo‘lsam, bunda imkoniyatlar haqida gapirish o‘rinli emas. Ko‘ramiz, bu boks”, — dedi Chagayev.
Povetkin va Klichko o‘rtasidagi avvalgi jang 2013-yil kuzida Moskvada bo‘lib o‘tgan va unda rossiyalik sportchi ochkolar bo‘yicha mag‘lub bo‘lgandi. Povetkinning o‘zi ukrainalik bokschiga qarshi revanshni faoliyatining eng asosiy maqsadi, deb hisoblaydi.
Ma’lumot uchun, Chagayev Povetkin bilan 2011-yili ringda to‘qnash kelgan va o‘shanda hakamlarning yakdil qarori bilan rossiyalik bokschi g‘olib deb topilgan.
Izoh (0)