Malayziyada Tailand poytaxti Bangkokda ro‘y bergan teraktga aloqadorlikda gumon qilingan uch kishi qo‘lga olindi. Bu haqda “Gazeta.ru” xabar bermoqda.
Milliy politsiya rahbari Xolid Abu Bakrning ma’lum qilishicha, qo‘lga olinganlarning ikki nafari Malayziya, yana biri Pokiston fuqarosi. Ularning uchalasi ham Tailand rasmiylari so‘roviga ko‘ra hibsga olingan.
Eslatib o‘tamiz, 17-avgust kuni Bangkokdagi Eravan-Shrayn ibodatxonasi oldida 5 kilo og‘irlikdagi trotil bombasi portlashi oqibatida aksari sayyohlar bo‘lgan 20 kishi hayotdan ko‘z yumgan, 120 dan ziyod odam jarohatlangandi.
Izoh (0)