Shotlandiya o‘zining Buyuk Britaniya tarkibidan chiqishi masalasida yangi referendum o‘tkazishi mumkin. “Novaya gazeta”ning Shotlandiya bosh vaziri Nikola Sterjenga asoslanib yozishicha, plebistsit 2021-yilgacha o‘tkazilishi mumkin.
The Sunday Herald xabariga ko‘ra, hukmron Shotlandiya milliy partiyasi 2016-yilgi mahalliy saylovlar davomida yangi referendumni o‘tkazish tartibi va sanasi haqida e’lon qilishni rejalashtirmoqda.
“Yangi referendum qanday holatda va qachon o‘tkazilishi bizning bayonotimizda o‘z aksini topadi. Bayonotdagi g‘oyalarni qo‘llab-quvvatlash yoki rad etishni shotlandlarning o‘zi hal qiladi”, — dedi Sterjen.
2014-yilning sentabrida Shotlandiyada, hududning o‘sha vaqtdagi bosh vaziri Aleks Selmond tashabbbusi bilan, Buyuk Britaniyadan ajralib chiqish masalasida referendum bo‘lib o‘tgandi. Shotlandlarning 55 foizi mustaqillikka “yo‘q” deb ovoz berganidan so‘ng, Selmond iste’fo berishga majbur bo‘lgandi.
Izoh (0)