Шотландия ўзининг Буюк Британия таркибидан чиқиши масаласида янги референдум ўтказиши мумкин. «Новая газета»нинг Шотландия бош вазири Никола Стерженга асосланиб ёзишича, плебисцит 2021 йилгача ўтказилиши мумкин.
The Sunday Herald хабарига кўра, ҳукмрон Шотландия миллий партияси 2016 йилги маҳаллий сайловлар давомида янги референдумни ўтказиш тартиби ва санаси ҳақида эълон қилишни режалаштирмоқда.
«Янги референдум қандай ҳолатда ва қачон ўтказилиши бизнинг баёнотимизда ўз аксини топади. Баёнотдаги ғояларни қўллаб-қувватлаш ёки рад этишни шотландларнинг ўзи ҳал қилади», — деди Стержен.
2014 йилнинг сентябрида Шотландияда, ҳудуднинг ўша вақтдаги бош вазири Алекс Сэлмонд ташабббуси билан, Буюк Британиядан ажралиб чиқиш масаласида референдум бўлиб ўтганди. Шотландларнинг 55 фоизи мустақилликка «йўқ» деб овоз берганидан сўнг, Сэлмонд истеъфо беришга мажбур бўлганди.
Изоҳ (0)