Yaponiyadagi suv toshqinlari oqibatida halok bo‘lganlar soni besh nafarga yetdi. “RBK” xabariga ko‘ra, tabiiy ofat natijasida 10 dan ortiq odam bedarak yo‘qolgan, deb gumon qilinmoqda.
Qutqaruvchilar yo‘qolgan odamlarni izlash ishlarini davom ettirmoqda. Tabiiy ofatdan 65 ming kishi istiqomat qiluvchi Yoso shahri nisbatan ko‘p jabr ko‘rdi — suv omborining yorilib ketishi natijasida, shaharning bir qismi, ba’zi ma’lumotlarga ko‘ra, 32 kvadrat kilometr hudud suv ostida qolgan.
Qutqaruv tadbirlarida umumiy hisobda 1,8 ming mutaxassis, xususan, o‘t o‘chiruvchilar, politsiyachilar va mudofaa kuchlari xodimlari qatnashmoqda. Mahalliy amaldorlarning so‘zlariga ko‘ra, 12-sentabrga o‘tar kechasi Yosodan kamida 5 ming kishi xavfsiz hududga ko‘chirilgan.
Izoh (0)