“Navbahor” Oliy liganing navbatdagi turini 15-avgust kuni Farg‘onaning “Neftchi” klubiga qarshi o‘tkazadi. 10-avgust kuni namanganliklar uchrashuvga tayyorgarlikni boshlab yubordi. Bu haqda “Navbahor” rasmiy saytiga tayanib, “Uff.uz” xabar bermoqda.
Bu safargi “vodiy derbi”sini chin ma’noda keskin va murosasiz ruhda o‘tishi kutilmoqda. Aynan shu sababli “Sport” telekanali ham o‘yinni to‘g‘ridan-to‘g‘ri olib ko‘rsatishni rejalashtirgan. PFL 18-turda ishlaydigan hakamlar ro‘yxatini e’lon qildi.
Unga ko‘ra, “Navbahor” o‘yingohidagi uchrashuvni Ravshan Ermatov boshchiligidagi hakamlar brigadasi boshqarib boradi. Toshkentlik FIFA referisiga qanotlarda poytaxtlik Abduhamidullo Rasulov va Jahongir Saidovlar yordam beradi.
Zaxiradagi hakam sifatida Asker Najafaliyev qayd etilgan. O‘yinni nazorat qilish Aleksandr Popov zimmasiga yuklatilgan. PFL rahbari Farhod Magametov Namanganga PFL vakili sifatida tashrif buyuradi.
“Navbahor”ning “Neftchi”ga qarshi o‘yini 15-avgust kuni soat 18.00 da boshlanadi.
Izoh (0)