Osiyo Futbol Konfederatsiyasi tashkilotga a’zo mamlakatlar futbol federatsiyalarining 2015-yilning 6-avgust sanasigacha bo‘lgan yangi reytingini ma’lum qildi. Bu haqda O‘FF matbuot xizmati xabar bermoqda.
O‘zbekiston Futbol Federatsiyasi ushbu reytingda 9-o‘rinni egallab turibdi. O‘zbekiston klublari 33.448 ochko jamg‘argan bo‘lsa, milliy terma jamoa 18.886 ochko yiqqan. Shu tariqa, O‘zbekistonning jami ochkolari soni 52.334 tani tashkil qilmoqda.
Ushbu ro‘yxatni Janubiy Koreya 88.354 ochko bilan boshqarib bormoqda. Ikkinchi o‘rinda Saudiya Arabistoni bo‘lsa, kuchli uchlikni Eron yakunlab bergan.
O‘zbekistongacha bo‘lgan keyingi o‘rinlarda Yaponiya, BAA, Avstraliya, Xitoy va Qatar joy olgan. Kuchli o‘ntalikni Kuvayt yakunlab bermoqda.
Ma’lumot uchun, ushbu reyting 2012-yilning 1-yanvaridan, 2015-yilning 6-avgustiga qadar klublar va terma jamoalar qayd etgan natijalarga ko‘ra hisoblangan. Navbatdagi reyting shu yilning dekabr oyida e’lon qilinadi.
Izoh (0)