Rossiyaning “NTV-Plyus” telekanali sharhlovchisi Vasiliy Utkin “Exo Moskvi” radiokanalining “Futbolniy klub” dasturida bir guruh mansabdorlar milliarder Alisher Usmonovdan Moskvaning “Dinamo” futbol klubi xarajatlarini to‘lab berishni so‘rayotganliklarini ma’lum qildi. Bu haqda “Gazeta.ru” xabar bermoqda.
“‘Dinamo’ning katta qarzi borligini aniq bilaman. Aniqrog‘i, qarz emas, kamomad. Ma’lum bo‘lishicha, qaysidir vaziyatda ‘Dinamo’ rahbarligini qo‘lga olgan Boris Rotenberg jamoaga o‘z pullarini tikmagan. Pullarni ‘Vneshtorgbank’ (VTB) to‘lagan. Rotenbergning o‘zi ajratgan pullar esa kredit sifatida rasmiylashtirilgan. Oxiri VTB shunday degan: ‘Yigitlar, bo‘ldi endi. Bizning boshqa ishlarimiz ham bor’”, — dedi Utkin.
“Hozir bir qator muhim odamlar — ularning asosiy qismi huquqni muhofaza qilish idoralari xodimlari — Alisher Burhonovich Usmonovni ‘Dinamo’ning xarajatlarini to‘lab berishga yo ko‘ndirishmoqchi, yo majbur qilishmoqchi, yo undashmoqchi, yo so‘rashmoqchi, yoki unga tiz cho‘kib, yalinishmoqchi — anig‘ini bilmayman. Lekin shunday jarayon ketmoqda. Bilishimcha, bu jarayon yalinayotganlar foydasiga ishlamayapti hozircha. Mendagi bu axborot rasmiy emas, biroq aniq axborot”, — deya qo‘shimcha qildi Utkin.
Izoh (0)