Hindiston qishloqlarining birida jodugarlikda ayblangan 45—50 yosh oralig‘idagi besh ayol olomon tomonidan o‘ldirildi. Bu haqda “Korrespondent.net” xabar bermoqda.
Mahalliy politsiyadan ma’lum qilishlaricha, Jarkhand shtati poytaxtidan 30 kilometr janubda joylashgan qishloq aholisi 8-avgust, shanba kuniga o‘tar kechasi ayollarni uydan sudrab chiqib, tayoqlar bilan o‘lguniga qadar savalagan.
Politsiya vakilining qo‘shimcha qilishicha, mazkur hodisa sabab qishloqning 24 nafar aholisi hibsga olingan.
Ma’lumotlarga ko‘ra, so‘nggi yarim yil davomida Assam shtatida mahalliy aholi tomonidan jodugarlikda gumon qilingan 90 ga yaqin odam (asosan ayollar) boshi tanasidan judo qilingan, o‘lguniga qadar kaltaklangan yoki yoqib yuborilgan.
Izoh (0)