Saudiya Arabistoni janubi-g‘arbidagi Abha shahrida joylashgan masjidda portlash yuz berdi. “RIA Novosti”ning xabar berishicha, portlash oqibatida xavfsizlik xizmatining 17 nafar xodimi halok bo‘ldi.
Mahalliy manbalarning ma’lum qilishicha, hodisa natijasida 25 kishi tan jarohati olgan. “Al-Jazira” telekanali ma’lumotlariga ko‘ra, portlash “kamikadze”ning aybi bilan yuz bergan.
“Abha shahridagi masjidda yuz bergan portlash oqibatida xavfsizlik xizmatining 17 nafar xodimi halok bo‘ldi”, — deyiladi telekanal axborotida.
Hodisa mamlakat janubi-g‘arbidagi Asir ma’muriy okrugida joylashgan Abha shahrida yuz bergan. Telekanalning aniqlik kiritishicha, odatda mazkur masjidga huquqni muhofaza qilish organlari xodimlari ibodat uchun kelardi.
Izoh (0)