Xitoyda yirik internet-kompaniyalar, savdo va ijtimoiy tarmoqlar saytlari kiberxavfsizligini ta’minlovchi politsiya bo‘limlari tashkil etiladi. Bu haqda “Nur.kz” xabar bermoqda.
Mamlakat ichki ishlar vazirining o‘rinbosari Chen Chjimin: “Yangi politsiya bo‘limlari yordamida har qanday kiberjinoyatchini qisqa muddatda qo‘lga olishimiz mumkin”, – deya ta’kidlagan. Uning so‘zlariga qaraganda, yangi choralar shaxsiy ma’lumotlarni himoya qilish, o‘g‘irlik, firibgarlik hamda noto‘g‘ri ma’lumotlar tarqalishining oldini olishda ko‘mak beradi.
Ma’lumot uchun, Xitoyda joriy yil iyul oyida kiberxavfsizlik haqidagi yangi qonun loyihasi chop etilgan.
Izoh (0)