Respublika bolalar ijtimoiy moslashuvi markazining ota-onalar vasiyligisiz qolgan bolalar muammosini o‘rganish bo‘limi rahbari Gelena Xrulnova “Keksalar, nogironlar va aholining boshqa zaif qatlamlari uchun ijtimoiy xizmatlar” to‘g‘risidagi qonunga kiritilgan o‘zgartirishlarga izoh berdi. Bu haqda Mehnat va aholini ijtimoiy himoya qilish vazirligi matbuot xizmati xabar bermoqda.
“Ayni paytda yetim bolalar va ota-ona vasiyligisiz qolgan bolalar muassasalarida tarbiyalanayotganlarning 95 foizida ota-onasidan biri yoki ikkisi ham bor. Ba’zi ota-onalarning o‘zlari farzandini Bolalar uyi yoki Mehribonlik uyiga joylashtirishga intiladi, ular bu bilan bolaning va o‘zining taqdirini vayron qilayotgani haqida o‘ylamaydi”, — dedi Xrulnova.
Uning aytishicha, aynan shuning uchun oila va bolalarni qo‘llab-quvvatlash bo‘yicha ijtimoiy xizmatlarni rivojlantirish zarurdir.
“Qonunga kiritilgan moddalarni joriy etish ijtimoiy yetimlik oldini olish, oiladagi nochor ahvolni dastlabki bosqichlaridayoq bartaraf etish, ota-ona vasiyligisiz qolgan bolalar uchun oilaviy shakllanmalar tuzish, Mehribonlik uylari bitiruvchilariga ruhiy-pedagogik ko‘mak berish imkoniyatini taqdim etadi”, — dedi u.
Izoh (0)