Fitch O‘zbekistondagi to‘rtta bank reytingini tasdiqladi

Fitch Ratings reyting agentligi O‘zbekistonning davlat nazorati ostidagi to‘rtta bankining xorijiy valyutadagi uzoq muddatli emitent defolti reytingini “B-” darajasida “Barqaror” prognoz sifatida tasdiqladi, deya xabar bermoqda “Gazeta.uz”. Bular “O‘zsanoatqurilishbank”, “Asaka”, “Agrobank” va “Mikrokreditbank”dir.

Fitch xabarida aytilishicha, ushbu banklarga davlatning ko‘mak berishga tayyorligi shu bilan izohlanadiki, davlat ularning majoritar mulkdori hisoblanadi. Shuningdek, bunday qo‘llab-quvvatlash tufayli bank tizimi o‘rtamiyona hajmga ega.

“Biroq iqtisodiyotdagi tuzilmaviy kamchiliklar tufayli, Fitch agentligi O‘zbekistonning kredit imkoniyatlarini yuqori baholamaydi, — deyiladi xabarda. — Mamlakat iqtisodiyoti tashqi o‘zgarishlarga ta’sirchan, chunki eksportda xomashyo mahsulotlari ustun turadi hamda bir nechta davlatga e’tibor qaratilgan, tashqi moliya esa asosan O‘zbekistonning xorijda ishlayotgan fuqarolari mablag‘larining o‘tkazmalari hisobiga qo‘llab-quvvatlanmoqda”.

Fitch “O‘zsanoatqurilishbank”, “Asaka” banki va “Mikrokreditbank”ning milliy valyutadagi uzoq muddatli emitent defolti reytingini “B”, “Agrobank”nikini esa “B-” deb baholadi.

Barqarorlik reytingi bo‘yicha esa “O‘zsanoatqurilishbank”, “Asaka” bank va “Mikrokreditbank” “b-”, “Agrobank” “ccc” darajasiga ega bo‘ldi.