Rossiya Davlat yo‘l harakati xavfsizligi inspeksiyasi inspektori o‘z hayotini xatarga qo‘yib, to‘qnashuv oldini oldi, deya xabar bermoqda “Gazeta.ru”.
Hodisa Abakan — Ak-Savurak trassasida sodir bo‘ldi. To‘qqizta avtobus Yo‘l-patrul xizmatining patrul mashinalari hamrohligida bolalarni yozgi sog‘lomlashtirish oromgohlaridan olib ketayotgan edi. Kutilmaganda ro‘paradan yengil avtomashina uchib keldi. Politsiyachi unga o‘z mashinasini to‘siq qilib qo‘ydi va shu tariqa, bolalarni avtohalokatdan saqlab qoldi.
Qarama-qarshi to‘qnashuv natijasida patrul mashinasi metall uyumiga aylandi. Inspektor ko‘plab og‘ir jarohatlar oldi, u ayni paytda kasalxonada yotibdi.
Yo‘l-transport hodisasini keltirib chiqargan xorijiy rusumdagi mashina haydovchisi va to‘rt nafar yo‘lovchisi ham jabrlandi, ular orasida o‘n yoshli bola ham bor.
Izoh (0)