Parij politsiyasi “Tur de Frans” to‘sig‘ini kelib urgan mashinani o‘qqa tutdi

Parij politsiyachilari “Tur de Frans” velopoygasi trassasi to‘sig‘iga kelib urilgan avtomobilga qarata o‘t ochdi, deya xabar bermoqda Meduza. Hodisa 26-iyul, yakshanba kuni velopoyga ishtirokchilari Parijga kelishidan sakkiz soat avval sodir bo‘ldi.

Mashinada ikki kishi bo‘lgan. Politsiya o‘t ochgach, ular voqea joyidan yashirindi. Avtomobil haydovchisi va yo‘lovchisini qidirish davom etmoqda. Hodisa natijasida hech kimga jabr yetmadi.