Germaniya kansleri Angela Merkel “Tristan va Izolda” operasi postanovkasi premyerasida kursidan yiqilib tushdi, deya xabar bermoqda Bild nashri.
Hodisa Bayroytdagi an’anaviy festivalda sodir bo‘ldi. Antrakt chog‘ida Merkel Festshpilxaus teatri restoraniga kofe-breyk uchun bordi va u yerda kursidan tushib ketdi. Dastlab, kansler hushidan ketgani tufayli yiqilib tushgani xabar berilgan bo‘lsa, keyinroq qabul chog‘ida OAV vakillariga Germaniya hukumati rahbarining yiqilib tushishiga siniq kursi sabab bo‘lgani ma’lum qilindi.
Merkelga boshqa kursi keltirib berishgach, u kofe-breykni davom ettirdi. Antraktdan so‘ng Vagner operasini oxirigacha tomosha qildi va jurnalistlarga spektakl unga yoqqanligini aytdi.
Izoh (0)