Xitoyning Xenan provinsiyasi Sinfen uyezdi sudi 2015-yilning mart oyida o‘z o‘g‘lini 100 ming yuan (16 ming dollar)ga sotib yuborgan juftlikni ozodlikdan mahrum qildi, deb xabar beradi “RIA Novosti”.
Yosh juftlik 2010-yildan beri rasmiy nikohsiz birga yashab kelayotgandi. Joriy yilning yanvar oyida ularning uchinchi farzandi dunyoga keldi. Bolaning dunyoga kelishi oilaning moliyaviy ahvolini og‘irlashtirishi mumkinligidan hadiksiragan ota o‘g‘lini sotishni taklif qildi. Mart oyida shifokorlar yordamida ular chaqaloqni 16 ming dollar evaziga mahalliy aholi vakillaridan biriga sotib yubordi. Bolaning buvasi politsiyaga murojaat qilganidan keyin ota-onaning qilmishi oshkor bo‘ldi.
Chaqaloqning otasi 5 yilga, onasi esa 3 yillik qamoq jazosiga hukm qilindi. Ayolning jazo muddatini o‘tashi 5 yilga kechiktirildi.
Bundan tashqari, sud juftlikni 50 ming yuan miqdorida jarimaga tortdi va bola savdosidan tushgan mablag‘ni musodara qildi.
Izoh (0)