Nima uchun yo‘lovchi samolyotlarida parashyut bo‘lmaydi?

Xalqaro qoidalarga ko‘ra, yo‘lovchi laynerlariga ortiqcha va samarasiz buyumligi uchun parashyutlar berilmaydi, deb xabar qiladi “abcfakt.ru”.

Agar parashyutlar yo‘lovchi samolyotlariga yuklanganida havo kemasi ortiqcha yuk ortishiga to‘g‘ri keladi. Buning uchun esa bir necha yo‘lovchi o‘rinlarini bo‘sh qoldirish kerak bo‘ladi. Bu esa aviakompaniya uchun iqtisodiy tomondan yo‘qotish deganidir.

Halokat vaqtida hech qanday tayyorgarlikka ega bo‘lmagan yo‘lovchi parashyutni to‘g‘ri taqib, hech qanday sarosimasiz sakrash joyiga yetib ololmaydi. Bundan tashqari, uchuvchilar va boshqa xizmatchilar o‘z jonini saqlab qolish istagida qulayotgan samolyotni tashlab qochmasligi uchun ularga ham parashyutlar berilmaydi.

AQShda 20 yil ichida yuz bergan 568 avariyani tahlil qilish natijasida bortda bo‘lgan yo‘lovchilarning faqatgina 5 foizi halok bo‘lgani aniqlandi. Halokatga uchragan 53 ming kishidan 51 mingi tirik qolgan.

Yana shuni unutmangki: aviahalokatlarning 90 foizi samolyot ko‘tarilayotganda yoki qo‘nayotganda sodir bo‘ladi. 20 metr balandlikda sizga parashyut kerak bo‘lishi dargumon. Yuqorida aytib ketilgan tadqiqotlar yana shuni ko‘rsatganki, samolyot havoda to‘liq parchalanib ketganida bortda bo‘lgan yo‘lovchilardan 50 foizi omon qolar ekan.