Хитойнинг Хэнань провинцияси Цинфэн уезди суди 2015 йилнинг март ойида ўз ўғлини 100 минг юан (16 минг доллар)га сотиб юборган жуфтликни озодликдан маҳрум қилди, деб хабар беради «РИА Новости».
Ёш жуфтлик 2010 йилдан бери расмий никоҳсиз бирга яшаб келаётганди. Жорий йилнинг январь ойида уларнинг учинчи фарзанди дунёга келди. Боланинг дунёга келиши оиланинг молиявий аҳволини оғирлаштириши мумкинлигидан ҳадиксираган ота ўғлини сотишни таклиф қилди. Март ойида шифокорлар ёрдамида улар чақалоқни 16 минг доллар эвазига маҳаллий аҳоли вакилларидан бирига сотиб юборди. Боланинг буваси полицияга мурожаат қилганидан кейин ота-онанинг қилмиши ошкор бўлди.
Чақалоқнинг отаси 5 йилга, онаси эса 3 йиллик қамоқ жазосига ҳукм қилинди. Аёлнинг жазо муддатини ўташи 5 йилга кечиктирилди.
Бундан ташқари, суд жуфтликни 50 минг юань миқдорида жаримага тортди ва бола савдосидан тушган маблағни мусодара қилди.
Изоҳ (0)