FIFAning bosh homiylaridan biri Cola-Cola kompaniyasi tashkilotni islohotlar bo‘yicha yangi komissiya tuzishga chaqirdi, deb xabar beradi “Gazeta.ru”.
Ushbu komissiyaning vazifasiga Xalqaro futbol federatsiyasida bir qancha o‘zgarishlar qilish va tashkilotni korrupsion mojarolardan “tozalash” kiradi.
Eslatib o‘tamiz, 27-may kuni Syurixda FIFAning bir qancha amaldorlari hibsga olingandi. 2-iyun kuni Yozef Blatter iste’foga chiqishini ma’lum qildi. 20-iyul kuni tashkilot ijroqo‘mining navbatdan tashqari majlisida FIFAning yangi prezidenti saylanadigan kunga aniqlik kiritiladi.
Manba ma’lumotlariga ko‘ra, Cola-Cola Xalqaro futbol federatsiyasidan o‘z obro‘sini tiklashni va muxlislarning ishonchini qaytarishni talab qilmoqda. Shuni qo‘shimcha qilamizki, korporatsiya 1974-yildan beri FIFAning homiysi hisoblanadi.
Izoh (0)