Facebook Spotify va yaqinda faoliyatini boshlagan Apple Music raqobatchisi bo‘lishi kutilayotgan musiqali servisni ishga tushirmoqchi. Bu haqda Music Ally nashriga tayanib, “RBK” xabar bermoqda.
G‘oya hozircha dastlabki bosqichda, loyihaning ishga tushish sanasi va biznes-modeli hozircha noma’lum. Manbalarning nashrga ma’lum qilishicha, ijtimoiy tarmoq avvaliga videokontentni YouTube kabi boshqa saytlar emas, balki Facebook’ning o‘ziga joylashtiradi. Ushbu yangilik musiqali video va keyinchalik audioservisni ham o‘z ichiga oladi.
Bu tajriba kompaniya uchun musiqa bozoriga qachon va qay tarzda kirish borasidagi o‘ziga xos sinov bo‘lishi kutilmoqda.
Shu bilan birga, kompaniya matbuot xizmati Fasebook musiqali servis xizmatini yo‘lga qo‘ymoqchiligi to‘g‘risidagi ommaviy axborot vositalarida tarqatilgan xabarni rad etmoqda. Bu haqda matbuot xizmati “RBK”ga ma’lum qilgan.
Izoh (0)