Xalqaro ekspeditsiya tarkibida 26-iyul kuni XFS (Xalqaro fazoviy stansiya)ga uchadigan yaponiyalik astronavt Kimiya Yui Olamning “qora materiyasi”ni o‘rganish bo‘yicha bir necha o‘ziga xos tajribalar o‘tkazadi, shuningdek, u sushi tayyorlab, ekspeditsiya bo‘yicha hamrohlarini mehmon qilish niyatida. Bu haqda “RIA Novosti” xabar bermoqda.
Tarkibidan rossiyalik Oleg Kononenko, yaponiyalik Kimiya Yui va amerikalik Chell Lindgren o‘rin olgan xalqaro ekspeditsiya 26-iyul kuni Boyqo‘ng‘ir kosmodromidan “Soyuz-TMA-17M” fazoviy kemasida XFS tomon parvoz qiladi.
“Ha, “qora materiya” meni juda ham qiziqtiradi. Yaponiyaning HTV yuk kemasi tomonidan XFSga olib chiqiladigan uskuna Olamdagi mazkur materiyaning vujudga kelishini aniqlashda yordam beradi”, — dedi Kimiya parvoz oldidan tashkil etilgan matbuot anjumanida.
“Men sushini juda ham yaxshi ko‘raman. Aniq ayta olmayman-ku, lekin komandirimiz Oleg Kononenko ekipajni fazoviy sushi bilan mehmon qilishimga ruxsat beradi, deb umid qilaman”, — deya qo‘shimcha qildi yaponiyalik astronavt.
Izoh (0)