KXDR davlat kanali AQSh muammolari haqida syujet namoyish qildi, deb yozadi Meduza.
Unda aytilishicha, boshpanasizlar qutilarda yashashga majbur bo‘lgan bir paytda, amerikalik milliarderlar itlariga 15 ming dollarlik bo‘yinbog‘lar sotib oladi, ularni itlar uchun maxsus mehmonxonalarga joylashtiradi va hatto jonivorlarining tug‘ilgan kunida ular uchun katta chiqimli ziyofatlar uyushtiradi.
AQShdagi chuqur tengsizlikni namoyish etish uchun ko‘rsatuv tomoshabinlariga itlarning suratlarini havola etishdi, ular orasida itlarning dasturxon atrofida o‘tirgani aks etgan rasmlar ham bor edi. Ulardan biri Birthday Dog memining qahramoni Raylidir.
Bundan tashqari, syujetda dunyodagi eng novcha it — Gigant Jorj suratidan ham foydalanilgan. Biroq uning kadrda paydo bo‘lishi dastur mehmonlari muhokama qilgan mavzu bilan umuman aloqador emas.
Izoh (0)