Amerikaning San-Fransisko shahrida televideniyening suratga olish guruhi jonli chiqish qilayotganida, ularni tunab ketishdi. Jurnalistlar shahar tumanlaridan birida yuz bergan qotillik haqida reportaj tayyorlayotgan edi, deb xabar qiladi “Newskaz.ru”.
KTVU telekanali jamoasi voqea yuz bergan hududdan to‘g‘ridan-to‘g‘ri efirga chiqishi kerak edi. Studiyadagi boshlovchi hodisa joyida turgan muxbirni tanishtirdi. Ammo muxbir hamkasbi bilan salomlashish o‘rniga “Bir soniya kutib turing”, dedi va chetga chiqib ketdi. Bir necha soniyadan keyin esa efir uzilib qoldi.
Keyinroq telekenal sayti qora niqob taqqan erkak operatorga to‘pponcha o‘qtalib, kamera va shtativni olib qo‘yganini ma’lum qildi. O‘g‘ri BMW avtomobilida voqea joyidan qochib ketgan. Rulda uning sherigi ham bo‘lgan. Suratga olish guruhidan hech kimga shikast yetmagan.
Izoh (0)