Braziliyada soch uchining kesilishiga qarshi kurashda yordam beradigan velaterapiya nomli yangi uslub ommalashmoqda. “Korrespondent.net” xabariga ko‘ra, bu uslub nafaqat oddiy braziliyalik ayollar, balki mashhur yulduzlar orasida ham ommalashgan.
Velaterapiya 2,5-3 soat vaqtni oladigan nisbatan murakkab jarayon. Buning uchun dastlab soch alohida qismlarga ajratilib, bog‘lab chiqiladi, so‘ng sochning uchlari sham olovida tezda kuydiriladi. Yonish vaqtida sochning zararlangan uchlari tuzaladi, deb hisoblanadi. Shundan so‘ng soch chuqur davolanadi. Mutaxassislar zararlangan sochni har uch oyda bir kuydirishni maslahat berishadi.
Shunga qaramay, bir qator sartaroshlar velaterapiyani tanqid ostiga oladi. Ularning fikricha, termik ta’sir sochlarni kuchli stress holatiga tushiradi. Shuningdek, bu amaliyotni uy sharoitida bajarish qat’iy taqiqlanadi — velaterapiya faqat mutaxassis tomonidan amalga oshirilishi mumkin.
Qayd etishlaricha, Victoria’s Secret’ning ko‘plab taniqli modellari ham sochlarni olov yordamida davolashga ishonch bildiradi. Xususan, Alessandra Ambrozio, Izabel Fontana va Barbara Fialxo xuddi shunday davolash usuliga murojaat qilgan.
https://youtu.be/oXjjbinhFLM
Izoh (0)