Jazoirning janubiy provinsiyalaridan birida ro‘y bergan etnik to‘qnashuvlar chog‘ida kamida 18 kishi halok bo‘ldi, 30 dan ziyod odam esa jarohat oldi. Bu haqda Reuters agentligiga tayanib, “TASS” xabar bermoqda.
G‘alayonlar o‘tgan dam olish kunlari Gardaya mintaqasidagi Al-Gerara shaharchasida arablar va shimoliy Afrikaning tub aholisi bo‘lgan berberlar o‘rtasida sodir bo‘lgan. Gardayaga yetib kelgan Jazoir ichki ishlar vaziri Nuriddin Bedui qabila boshliqlarini “ogohlik va vazminlikka” chaqirgan.
Ushbu mintaqada bunday mojarolar birinchi bor ro‘y berayotgani yo‘q, ularga ko‘pincha arablar va berberlar o‘rtasida yer masalasidagi tortishuv sabab bo‘ladi.
Izoh (0)