Халқаро экспедиция таркибида 26 июль куни ХФС (Халқаро фазовий станция)га учадиган япониялик астронавт Кимия Юи Оламнинг «қора материяси»ни ўрганиш бўйича бир неча ўзига хос тажрибалар ўтказади, шунингдек, у суши тайёрлаб, экспедиция бўйича ҳамроҳларини меҳмон қилиш ниятида. Бу ҳақда «РИА Новости» хабар бермоқда.
Таркибидан россиялик Олег Кононенко, япониялик Кимия Юи ва америкалик Челл Линдгрен ўрин олган халқаро экспедиция 26 июль куни Бойқўнғир космодромидан «Союз-ТМА-17М» фазовий кемасида ХФС томон парвоз қилади.
«Ҳа, «қора материя» мени жуда ҳам қизиқтиради. Япониянинг ҲТВ юк кемаси томонидан ХФСга олиб чиқиладиган ускуна Оламдаги мазкур материянинг вужудга келишини аниқлашда ёрдам беради», — деди Кимия парвоз олдидан ташкил этилган матбуот анжуманида.
«Мен сушини жуда ҳам яхши кўраман. Аниқ айта олмайман-ку, лекин командиримиз Олег Кононенко экипажни фазовий суши билан меҳмон қилишимга рухсат беради, деб умид қиламан», — дея қўшимча қилди япониялик астронавт.
Изоҳ (0)